صبــآحكم / مسسآءكم دفــآ
برد الشتاء ودمعً من الحزن جاري
والليل وذكرى الي ذبحني رحيله
والصمت ذاك الي عشقه انتظاري
واحلام رجعة غاليً مستحيله
خلن شديد الجرح شبه انتحاري
تطربه ونات الخفوق الطويله
حسبي على فرقاك يانور داري
وحسبي على الدمع وفضايح مسيله
وش حيلتي وانت بملامح نهاري
تجي معه وتروح واسهرك ليله
وش حيلتي هالبعد ماهو اختياري
وش حيلتي والبعد مافيه حيله
لاهبت الذكرى غدى الوقت ناري
يحرقني والذكرى تولع فتيله
بلملمك ياجرح جرحي واداري
واسايرك واقول ياكيف اشيله
ان جيتني طيفً مع الليل ساري
رحب بك الخافق وهو عزتي له
ان جيتني طيفً وانا فيك داري
مايلفي غير الطيف يالمستحيله
برد الشتاء زاد وبكيت اضطراري
والريح وسط الليل قصه طويله
بكيت لأن الزين بايع وشاري
والي بكاه اليوم روحه عليله
ولأني صدفت جدار بين الحواري
ترجم حروفه بين جملة رحيله
وليا ذكرته قال حرف احتضاري
برد الشتاء رشيف السنين الجميله
دمتم بــ ود