استراحة صعفق الفايز

Y.E.onDOMReady(show_notes_initially);

ابشعم النار واسطـر جنبهـا دلالـي=وفك صندوق صـدرن منعقـد حبلـه
ولاراج ريح المهيل وسـط فنجالـي=ومن الهواجيس راسي مخليآ سبلـه
ابنحدر ليـن خـط البيـب يبرالـي=وابظرب العرق واسنـد مـع العبلـه
وابتعب الرجل وانصى المرقب العالي=رجمن يشوق اللي افكـاره تشعبلـه
وابسهج الجيب واصل ذيك الاطلالـي=خضر الفياض اللي من ام العبل قبلـه
وامر روضن نزلبه واحـدن غالـي=العام يـوم ان ابـوه مربعـن ببلـه
متمركزن حبهـا فـي قلبـي وبالـي=مالوم ناسن بها مـن قبـل منهبلـه
من دونها اللي منامه نومـة الجالـي=من خوف بنـدق غريمـه لاتزهبلـه
(خوفن عليهـا ومنها)مارقـد سالـي=ومن حام حول الحمى بالفرخ ينشبله
اهديتها سبحتي واقفت ونـا لحالـي=اطالـع لقرنهـا والـردف يلعبـلـه
يابنـدر اسقتنـي المريـن والحالـي=بخدودها والنحـر وعيونهـا الذبلـه
والمبسم اللي مثل لون الغضى الصالي=انشهـد ان الدلـع والغنـج ناسبلـه
يالله عليهـا يهـل الوبـل همـالـي=ويظفي على دارها مزنن نثـر وبلـه