استراحة صعفق الفايز

الليلة الأفكار (وِرْد) ومصادير
قلت اجمع اللي باقي ٍ من شتاتي


أوراقي اللي بعثرتها المشاوير
تلعب بها رْياح الزمان العواتي


وانتي على بالي وتدْلين بالبير
دْلْوك وتملين القْرب من سكاتي


صمتي وأنا في صمتي أحيان تعبير
أبلغ من الحان الشقا باْغنياتي


شوفي! وانا اللي كنت روض العصافير
عطشان!واوراق شْجري يابساتي

كم غالي ٍ عني خذتْه المقادير
صار الحزن بعده صديق امسياتي


ماكنّي اللي كانت اطلالتي (غير)
على الورق بسنيني الماضياتي


مرت بي الدنيا مثل (جلسة عْصير)
راحت ثلاث عقود من ذكرياتي


سافرْت وربوعي جموع... وجماهير
وعوّدت وربوعي وفاي وثباتي


رجعت اسوق من الأماني مغاتير
وامرّ بأصعب مرحلة من حياتي


يوم اكتشفت ان الرجا نافخ الكير!
نفضت عن بعض الاوادم عباتي


ماني محسّب عقبها للمخاسير
ولاني معدد للملا تضحياتي


إن كان لــعْنادي مع الوقت تأثير
مازادني غير احترامي لذاتي


وأنا اعَرِف نفسي ولا احتاج تذكير
لو المدى اصغر من جميع امنياتي


ماني لا (اخوجحلة )ولا(اسالم الزير)
ولا (راعي البلها) ولاني (زناتي)


لكنّي انسانٍ بي الشر والخير
واكثر من احساني عدد سيئاتي


مبسوط كان الله رزق طاير الطير
وبخير كان انه تقبّل صلاتي


هلا بتس خيتي ريم الذكريات
وانتي بصحه وسلامه
المنتدى منتداتس
وان ماشالتس الارض نشيلتس بعيونا

حياتس الله